مصري وبس!!!!!: 2011

الجمعة، 30 ديسمبر 2011

الأربعاء، 28 ديسمبر 2011

الثلاثاء، 27 ديسمبر 2011

الاثنين، 26 ديسمبر 2011

كل عام وإخواني وأخواتي أبناء مصر الأقباط " من كل الطوائف المسيحية " بكل خير وصحة وسعادة بمناسبة عيد الميلاد المجيد ورأس السنة الميلادية.. وربنا يجمعنا في وطن واحد تحت علم واحد زي ما كنا طول عمرنا..آميييييين .MK

الأحد، 25 ديسمبر 2011

ماذا يحدث ولماذا؟؟؟؟؟؟

ما هو المسكوت عنه عن هذا المجلس؟ ولماذا يحدث ما يحدث؟ كل الحوادث والشواهد وكل هذا الكذب الذي يتصف بالبلطجة كذب عسكري يلقى وكأنه أمر ميداني لا يناقش .كذب يهين الكذب نفسه كوسيله تدعي الدهاء فنقول: الجيش تمت خصخصته كشركة أمنية تقوم على حراسة مصالح الإدارة الصهيوأمريكية مقابل معونة معلومة سنويا وأن يكون خير مصر طعمة لهم" كما حدث بين معاوية وعمر أبن العاص" وسدنتهم ومحاسيبهم. ونقول ايضا لقد أفرغت العقيدة القتالية من معناها لآن الجيش بعد حرب أكتوبر ونهايتها المفتوحة وبعد اتفاقية كامب دفيد لم تعد له نظرية للأمن القومي ونظرية الأمن القومي هى بالنسبه للجيش مثل الدستور بالنسبة للدولة وغياب نظرية للأمن القومي هو السبب فى تصفية الجيش من معظم قواده الشرفاء ولم يتبق غير "قوادينه" والعملاء وهو السبب فى تحوله الى قوة عمياء وهو السبب فى تربع هؤلاءالقادة الذين تروهم فى المجلس وفى الأعلام مزيج من البلاده والغفلة والعمالة والهطل أنهم ينفذون ما يملي عليهم وينتظرون حرب تلفزيونية من قوى الهيمنة على الحدود لكى يقولوا لاصوت يعلو فوق صوت المعركه وتكتمل أركان دولة ديكتاتورية جيش عمر سليمان من كلاب أمن الدولة وضباع البلطجية وذئاب الفلول من الداخل مقدمة لحرب تلفزيونيه من إخراج الناتو من الخارج لا يساعد اشتعال المنطقة فى تهيئتها وقد بدأت الحرب فى الداخل بتصفية الثوار بالقتل المباشر بدون محاسبة لقاتل شهيد واحد وتصفية عيون وانتهاك عرض مقدمة لكسر إرادة الشعب المصري وإعادة ترميم جدار الخوف الذى هدمه الشعب ولكن ما لم تتخيله كل خرائط الطريق المعدة أن ثورة الشعب المصري ثورة حقيقية كاملة الاركان لهذا لواجتمعت كل جيوش العالم ومجالسها على الوقوف أمامها لن تستطيع دفعها فهى ثورة شابة طويل مداها لاحدود لقدرتها فهي قدرة شعب إراد الحياة واستجابة القدر أن هذا الصراع فى ميدان التحرير بين الجيش وشعب كان أفراده عبيد ويطالبون بالحرية لن يظل موقع تسلية لحزب الكنبه كما كان يشاهد الرومان صراع الجلادياتر مع الوحوش البرية و.لن تتسلى بمشاهدته قوى الهيمنة الغربيه لن يدوم هذا الى مالانهاية أن الثوار لن يتركهم الشعب المصري لكى يصبحوا أصحاب الأخدود وسوف يكسر الشعب إرادة المجلس العسكري كما كسرها من قبل بهدم الجدار الذي بناه أمام سفارة أسياده
انتصر الشعب فلا تستعجلوه.MK

السبت، 24 ديسمبر 2011

الامثال زي القطنة,,,مابتكدبش أبدا....!!!

زمان لما كنت بأسمع أمثال معينة كنت ساعات بحس انها مبالغ فيها شوية وساعات كتيييير ... مثلا: "يقتل القتيل ويمشي في جنازته" ياااااااه... هو في كده؟؟؟.
تهيألي انها صعبة شوية.... بس مش مستحيلة لاني شفتها علي كبر اليومين دول!!!.
وبالتحديد يوم ماقرات الخبر بتاع رفض " هند نافع بدوي المعيدة في كلية التربية جامعة بنها احدي الحرائر المصابات " فتاة مصرية بسيطة ومثقفة ومتعلمة" أول حاجة خطرت في بالي هو ايه اللي وداه يزورها ؟؟؟.
بعد ما تم سحلها والاعتداء عليها بالسب والضرب والايذاء بدنيا ونفسيا.... المفروض زيارة وبوكيه ورد وهول المفاجئة طبعا!!!!يخلوها يغمي عليها من الفرحة وتنسي اللي عملوا فيها كده.. واللي عملوه.. وانها متهمة في قضية تخريب!! واعتداء علي أفراد القوات المسلحة!!!.. وتنسي اسمها.. واسم عيلتها.. وتنسي هي كانت نازلة علشان ايه .. وتتشرف بالزيارة وتسكت بقي أو تطلع تقول كلمتين يريحوا ضمير الراجل اللي تاعبه ياعيني...!!!
بأي حق حد يحضر جنازة غير مدعو لها وهو السبب فيها...؟؟؟؟...!!!!. بعد الشر عليها طبعا " فعلا الامثال زي القطنة ,,مابتكدبش"..
بس لسوء حظهم وحسن حظ بلدنا في ولادها انها ليست من هذا النوع "والحمد لله" .
الفتاة المصرية الغلبانة البسيطة اللي مفيش حيلتها غير كرامتها " وللأسف طعنوها في كرامتها ".رفضت تقابل حاكم البلد وقائد المجلس الاعلي للقوات المسلحة..!!!!!
ربنا يخليكي لأهلك اللي ربوكي وعلموكي ومن حقهم يفرحوا ببنتهم اللي رافعة رأسها ورأسهم وكرامتها عندها اهم من حياتها... ويبارك في كل بنات وشباب مصر اللي زيك.. اللي طول ما هما موجودين مفيش خوف علي بلدنا ومستقبلنا ومستقبل عيالنا من بعدنا. الشباب هم اكبر ضمانة ان الثورة لن تموت..
فاتقوا الله فيهم واحذروهم..
وارحموا مصر..MK

الثلاثاء، 20 ديسمبر 2011

كرامة الوطن من كرامة مواطنيه البسطااااااااء قبل الأغنياء!!!!

طبعا أغلبكم ان لم يكن كلكم شوفتم المؤتمر الصحفي وردود الافعال عليه من مختلف الفئات الرافضة والمؤيدة ومش حضيف لحضراتكم حاجة بالكلام في البيان ومحتواه لأنكم عارفينه أحسن مني ....
أنا حتكلم عن ما لم يحتويه البيان سهوا أو عمدا مش هتفرق خلاص!!!!!...
- فين الكلام عن حقنا في التظاهر وكرامتنا التي هي من كرامة الوطن,, دا حتي المجرم له حقوق ومفيش حاجة أو حد في الدنيا " كل المخلوقات والحيوانات تحديدا " تقبل التفريط في كرامتها. ليه عاوزينا نفرط فيها ؟؟؟؟ دي كرامتنا هي كل ثروتنا والحمد لله لان هي والستر كفااااااااية أوي...
- فين حق الناس اللي اتسحلت والعالم كله شافها وهي بتتسحل والناس بدل ما تسأل هي ليه يتعمل فيها كده؟؟؟ وبأي حق تعملوا التصرف الحيواني اللي اتعمل في بنت أرجل من أي واحد في البلد؟؟؟ بيسألوا هي عملت ايه ونازلة ليه وكانت ناوية تعمل ايه بعد ستة أشهر ولونها المفضل ايه " في ناشط كبيييير. سأل هو العسكري لابس كوتشي ليه؟؟؟!!! " وان شاء الله ربنا والشباب الغلابة من بعده هيجيبوا حقها أسرع من المتوقع...
- طيب فين حق الناس اللي استشهدوا بطلقات في الرأس أو تأثرا بجراح الرصاص...
- طيب بلاش,,, فين حق الناس اللي اتسممت عيني عينك علشان يفضوها سيرة ويروحوا بيوتهم!!!
- فين العقول المدبرة للناس اللي عرضتم صورهم النهاردة؟؟؟
- فين حق شهداء محمد محمود؟؟؟
- فين حق شهداء ماسبيرو؟؟؟
- فين حق شهداء موقعة الجمل؟؟؟
- فين حق شهداء ثورة يناير؟؟؟
- فين حق أهالي الشهداء عند مسرح البالون؟؟؟
- فين حق مصابي الثورة؟؟؟
- فين حق خالد سعيد؟؟؟
- فين حق سيد بلال؟؟؟
طيب عاوز أشوف أي حد اتحاسب علي أي حاجة غير الثوار ومسجوني الرأي وما أكثرهم
" لدرجة ان بحساب عدد المعتقلين في هذه المدة من بعد الثورة نجده رقم قياسي جديد!!! ثورة بقي وبتنضف البلد!!! ,,,
فعلا,, بس ان شاء الله عمرها ما هتفضي من ولادها وبناتها الثوار والمدافعين عن البلد والشعب وحقوقه وحريته. اللي مش مهتم بيها الناس اللي لم يجربوها ويعرفوا قيمتها!!!.
يارب أشوف أي حاجة صح اتنفذت وهأكون أول من يتكلم عنها لأني بانظر قدامي مش ورايا لأن حماية مصلحة البلد اهم من حماية أي واحد في البلد,,,,
- صحيح بالمرة قبل ما أنسي,,,فين الأيدي الخفية؟؟؟.MK

الاثنين، 19 ديسمبر 2011

أين الحياء؟؟؟

اللي أنا شايفه ( ويارب يكون غلط ) اننا خلاص ماعدناش بنحس ولا نخجل ولا نستحي... للأسف الناس اللي تشوف شبابها بيتقتل ويتهان ويتسحل وتنتهك حرمة بناتنا علي أيدي جيش بلدهم "اللذي لا يجرؤ يرفع عينه في جندي اسرائيلي".... وتسكت ..تبقي ناس لا تستحق لقب "بني آدم". وياريت سكوت وبس!!! لأ تلاقي ناس مغيبين طالعين يقولوا وهما ايه اللي خلاهم يعتصموا ؟؟؟. والسؤال اللي بيخافوا يسألوه لنفسهم هو ( ايه السبب اللي يخلي الجيش يضربهم بالنار ؟؟؟؟ هما عملوا ايه يستحقوا عليه الموت؟؟؟؟ ) هو ده السؤال اللي العلم كله بيسأله لأنهم عاوزين يعرفوا الحقيقة.. أما عندنا,,, الناس عارفه الحقيقة بس خايفه تقولها!!! وأحب أقول لهم :صدقوني ربنا مش هيسيبكم لأن ذنبكم لا يقل عن ذنب الكلاب اللي عملوا كده في شباب مصر الحر. وياريت لما الجد يبدأ بلاش تنزلوا الميدان خليكوا في بيوتكم لأن الميدان للرجالة والبنات اللي الواحده منهم =100 راجل مش لأشباه الرجال والمنافقين والجبناء اللي مصممين يعيشوا كالقطيع.. وللأسف هما السبب في اللي بيحصل للثوار لأن صمتهم خياااااااااااااااااااانة.MK

إرحل وعارك في يديك

الأحد، 18 ديسمبر 2011

لااااااا تعليق!!!...

حسبي الله ونعم الوكيل,,,

الجمعة، 16 ديسمبر 2011

"صلاحية مباركة"...

السيد الأستاذ الدكتور رئيس مجلس الوزراء...
البلد بتولع والمجلس الاستشاري علق أعماله لحين اعتذار الجيش للثوار...
الثوار رافضين التفاوض لعلمهم لأغراض ونوايا من يفاوضونهم...
كل النخبة والقوي السياسية رفضت وقالت موقفها اللي ضد موقف الجيش...
البلد كلها ضد أي اعتداء علي خلق الله في أي مكان في البلد...
دا حتي المجلس العسكري طلع كذب كعادته وبكل ..... أنكر استخدام أي عنف تمااااااما!!!
االلهم امنحني نعمة التنااااااااحة,,,
التناحة أهم مبدأ في اختيار القادة والمسؤولين...
وعلشان كده مفيش أمل من التفاوض مع الحفيرات دي فعلا...
بس اللي هيجنني الانكار المستمر والدائم لاستعمال القوة!!!
وانت بقي فين يا جنزوري من ده كله؟؟؟
ولا حتي تويت صغنطط تطمنا عليك!!!
أقولك حاجة
"""""صلاحية مباركة""""".MK

هنخسر ايه؟؟؟

هو الانسان امتي يكون متفائل ؟؟؟ وامتي يتقال عليه متشائم ؟؟؟.
لما يكون مخنوووووءءء من حاجات كتير قوي والضغط عليه لا يطاق ,,,, ومفيش حاجة حواليه ماشيه صح وبالرغم من كده بيحاول يكمل عادي خاااااااالص !!! بس علي قد ما بنهزم الحزن وندفنه جوانا أوقات كتير , بس الحزن كمان بياخد حقه مننا ويسيب جروح لا تندمل...
يعني من الآخر كده كده كسبانين حاجات وخسرانين حاجات تانية " أيهما أهم" ...
وماذا أهم من الكرامة؟؟؟!!!..
بنهزم الحزن ؟؟؟ آآآآه....
بنكمل حياتنا ؟؟؟ آآآه....
ساعات بنمثل السعاده واحنا من جوانا آخر همممم ؟؟؟ آآآه....
لاااااااااااا بس دي مش أسباب... ولا مبررات للتشاؤم ...
علي فكرة كلنا كده وده الطبيعي محدش يخاف علي نفسه. بس المتفائل هو اللي بيكمل للنهاية وينتصر مرات وينكسر مرات أخري ..والمتشائم بيتلكك علي أي سبب للهروب من أي مواجهه لأنها خسرانه مسبقا "" طبقا لطبيعته المتشائمة الكئيبة"".
وفي النهاية بنكتشف ان الكنز هو الرحلة نفسها مش اللي في المغارة...
ياريت نفهم الدنيا بسرعة " زي الأفلام العربي من أول شوت". منهم لله فهمونا ان كل حاجة سهلة. ...
بس المبرر الوحيد للانهزام والانكسار هو الموت. تشاؤم يعني خوف يعني جبن يعني تموت ألف مرة وانت عايش !!! مع انها موتة واحدة وبايد ربنا مش بني آدم!!!
بلاش تشاؤم أو احباط أو يأس.... هنخسر كتييييييييير
ربنا يوفقكم ويوفقنا.MK

الأربعاء، 14 ديسمبر 2011

" علي قد علمي "...

لما قعدت وسرحت في بناتي ومستقبلهم وطموحاتي بالنسبة ليهم وهما أكيد هيبقي ليهم رأيهم المخالف لرأيي
زي ما كنت طول عمري بأتمرد علي أي سلطة من اي نوع حتي أقرب الناس ليا المتمثلين في أهلي " قبل الزواج"و " بعد الزواج "أهلي ومراتي وبعد كام سنة لو لينا عمر هيبقي أهلي ومراتي وعيالي ولو ربنا مد في عمري هيبقي أهلي ومراتي وعيالي وصحتي .
المهم حاولت أحط نفسي في موقع أي مسئول عند البلد في الفترة القادمة وحاولت طبقا لخبراتي المحدودة ونظرتي المحلية وتطرف رأيي لجهة ميدان التحرير " للأسف ما إحنا بقينا جهات كتييييير"علي طول الخط ومن اول يوم ولما نزلت الميدان حسيت بحاجات مفيش عندي استعداد أتخلي عنها لأي سبب..... ووسط الحسبة الشخصية الصعبة بالنسبة ليا وممكن حد تاني يختلف مع رأيي وده حقه بس نفسي ألاقي اضافات جادة نستفيد منها كلنا بعد إذن حضراتكم قولوا عاوزين ايه علشان نطلع بالبلد من الكبوة دي بسرعة ونحقق الحلم اللي استشهد علشانه أطهر شباب البلد؟؟؟؟؟
دي شوية حاجات أنا شايفها مهمة ولازم تتنفذ بسرعة " علي قد علمي وفهمي "
1- إقرار حد أقصى للأجور 50 ألف جنيه وحد أدنى 1200 جنيه أي بنسبه 1:41 من قيمة الحد الأقصى وتطبيقها فوراً وإقرار إعانة بطالة أو توفير فرص عمل للعاطلين أو توزيع أراضي زراعية عليهم بكافة التسهيلات والضمانات المطلوبة ورفع المعاشات بما يتناسب مع الحد الأدنى للأجور.....
2- تعيين وتثبيت جميع المؤقتين واحتساب فترة عملهم كمؤقتين من فترة خدمتهم مع مراعاة حق ذوي الاحتياجات الخاصة في نسبة 10% من التعيينات وتطبيق قانون العمل على القطاع الخاص والرقابة على تطبيق ووقف تعيين أبناء العاملين وتكون الأولوية للكفاءة والتخصص.
3- تثبيت الأسعار ووقف ارتفاعها الغير مبرر والتصدي للاحتكار ومحاربته للقضاء على جشع رجال الأعمال وتأميم أموال رجال الأعمال الفاسدين وردها إلى مستحقيها من عمال وفلاحي مصر، والوقف الفوري لتصدير السلع الأساسية من أرز وزيت وسكر ودقيق وغااااااااز لأي دولة أياً كانت إلا بعد سد الاحتياج الداخلي والوصول إلى الاكتفاء بأسعار مناسبة للمواطن المصري وفي حالة تصدير الفائض يصدر بأسعار التصدير العالمية.....
4- وقف المحاكمات العسكرية للمدنيين وإعادة محاكمة كل من تمت محاكمته عسكريا أمام القضاء المدني والإفراج عن كافة المعتقلين السياسيين والإفراج عن ضباط التحرير الشرفاء وإلغاء قانون الطوارئ فوراً....
5- إعادة الأمن للشوارع واتخاذ كافة الإجراءات للقبض على الخارجين عن القانون فوراً وإعادة هيكلة جهاز الشرطة ومحاكمة جميع المتهمين في قضايا تعذيب وقتل
6- تطهير جميع الوزارات والمؤسسات والهيئات والمحافظات والمحليات والاتحادات والنقابات من فلول الحزب الوطني المنحل والذين تم تعيينهم بإشراف أمن الدولة وتقديم الفاسدين للقضاء العادل ومنعهم من السفر والتحفظ على جميع أموالهم وممتلكاتهم ....
7- إصدار الموافقات اللازمة لعمل نقابات للمهن والحرف المختلفة (السائقين - الإعلاميين - الفلاحين - .....) على أن تكون مستقلة ويشرف القضاء على انتخاباتها ويطبق ذلك على كافة النقابات الموجودة بالفعل، واستقلال الهيئات التي يجب استقلالها كهيئة الطب الشرعي، القضاء، الإعلام، الصحافة، ....)
8- وضع خطة زمنية قابلة للتنفيذ للقضاء على العشوائيات وتوفير حق المسكن لقاطني القبور والشوارع والمستحقين وتحويل جميع مقار الحزب الوطني المنحل لدور رعاية لأطفال الشوارع وتقديم لهم الرعاية الصحية وحق التعليم والعلاج النفسي والاجتماعي ليعيشوا كرماء في بلدهم.
9- تخصيص لجنة بوزارة الخارجية لاستقبال كافة شكاوي المصريين بالخارج للعمل على حل جميع مشاكلهم حلول فورية وخاصة مشكلة الكفيل وتحكمه في أرزاقهم بغير وجه حق وإعادة كرامة المصري ورد اعتباره في جميع الدول .
10- التكريم المستحق ومنح أرفع الأوسمة لأهالي شهداء الثورة " يناير - ماسبيرو - محمد محمود " ولمصابيها وتقديم العلاج الكامل لهم على نفقة الدولة وسفر من يحتاج العلاج بالخارج. ..................................................................................
ياريت أعرف رأي حضراتكم عاوزين إيه تاني؟؟؟؟...MK

بسم الله الرحمن الرحيم.... الاجابة تونس

بسم الله الرحمن الرحيم.... الاجابة تونس
ماهو الفرق بين تونس ومصر ؟
سؤال اجباري لازم كلنا نفكر في اجابته "وياريت من غير نفسنه"...
مصر فيها اخوان وسلفيين ... تونس فيها اخوان وسلفيين...
التيار الاسلامي محقق اغلبيه في مصر " طبقا لنتائج أول مرحلة من الانتخابات البرلمانية"... التيار الاسلامي محقق اغلبيه في انتخابات تونس ...
التيار الليبرالي غير منظم في مصر ... التيار الليبرالي غير منظم في تونس ...
المجلس العسكري يدير شئون الحكم في مصر ويشرف على المرحلة الانتقالية .... الجيش سلم السلطة من أول يوم لحكومة انتقالية وأتمت مهمتها بكل نجاح...
(((( وهو ده الفرق الوحييييد ))))
تونس النهارده انتخبت رئيس الجمهورية وبتعمل الدستور الجديد الي هيعبر بالتأكيد عن الثورة...
واحنا بنولع ونخون في بعض كل دقيقة من اليوم , وعلى أفضل الظروف هنخلص في يوليو القادم , ان كان ليكم ولينا عمر , للي وصلوا له في تونس النهارده ...
حسبي الله في الناس اللي ماشية بالبلد عكس الزمن...
1000000000 مبروك لشعب تونس وعقبالنا يارب.MK

الأحد، 11 ديسمبر 2011

كنت ناوي أتكلم وأقول وأشرح وأفهم.....بس الصراحة الصراحة لقيت إني مش هعرف أقول أي كلام احسن من كلام "هشام الجخ" والاعتراف بالحق !!!!( لا بيقولوا مؤاخذه في الكلمة ) فضيلة =مع إن مرادفها " أذية وتنكيل وقلة أدب وسفالة " في نظر أولي الامر مننا والناس اللي بيطبلوا وراهم وأي حد بيطبل ورا أي حد في البلد ربنا يقوينا عليهم أجمعييييييييييييييين. آميييييييييييييييييين.MK

الخميس، 8 ديسمبر 2011

أنا الشعب!!!

كان في مؤتمر صحفي للواء مختار الملا مع صحفيين أجانب "فقط!!!!!" امريكان وبريطاني دون وجود أي صحفي أو اعلامي مصري واااااحد!!!. المهم لو عرفنا سيادته قال ايه هنعرف السبب. سيادته قلل من اهمية سيطرة الإسلامين علي البرلمان لأنه برلمان لا يعبر عن كل الشعب المصري "علي حد تعبيره" مش منتخب زي المجلس يعني!!!!, والرسالة التي أراد سيادته توصيلها للخارج أن المجلس هو البديل الوحيد المتوفر في مصر للإسلاميين للرد علي مطالبهم بنقل السلطة لمجلس مدني... وطبعا سيادته ما نسيش يأكد أن المجلس هيسيطر علي لجنة كتابة الدستور ومفيش داعي للقلق من الاوضاع في مصر لأن "كله تحت سيطرة المجلس". يعني من الآخر الاخوان والسلفيين والليبراليين وشباب التحرير وحزب الكنبة والاعلام" طبعا بعد تعيين اللواء أحمد أنيس" وأي حد وكل حاجة في مصر لا تعبر عن الشعب المصري "المجلس والمجلس فقط وممكن العباسية".أنا مش هقول رأيي بس عاوز أوضح لحضراتكم أنهم كده هيحرقوا البلد عن طريق الوقيعة بين التيارات السياسية الليبرالية والدينية لأستمرار قبضهم علي السلطة ليس حبا في الكرسي ولكن هربا من الحساب..MK

الثلاثاء، 6 ديسمبر 2011

يا تري مين أرجل واحد في مصر؟؟؟

اللي مش عارف مين ده؟؟؟.المواطن المصري طبيب الاسنان أحمد حرارة صاحب الواحد وثلاثين سنة الذي فقد عينه اليمني في 28 يناير نتيجة "طلقات خرطوش غادرة في وجهه وعنقه"... ولكنه أصر علي دعم الثورة للنهاية واستمر تواجده في الميدان في كل الاحداث والمليونيات حتي الآن!!!! وللمرة الثانية فقد عينه اليسري في الاحداث الاخيرة" وبنفس الطريقة القذرة الجبانة... طلقات خرطوش في الوجه!!" . ولكن هذا لم يزيده الا اصرارا علي مواصلة الثورة للنهاية.وكل اللي أقدر أقوله عليه: ربنا يجازيك ويعوضك بكل الخير يا بطل. عرفتنا يعني ايه "ثاااااااااائر" وعلمتنا يعني ايه كلمة "رااااااااااجل".MK

الأربعاء، 30 نوفمبر 2011

من أجلك أنت!!!

كل جولة انتخابية وأنتم بخير ومصر "واقفة علي حيلها ومصحصحة للي بيحصل ومشاركة فيه"... يارب. بصرف النظر عن النتيجة لأنها إرادة الشعب ونتيجة الصندوق ومن غير تزوييييييييير!!! "ودي أول انجازات الديمقراطية علي أرض مصر" الشعب هو الناجح في العملية الانتخابية. أكيد مش نحقق تجربة مثالية من أول مرة بس نبدأ ونقرر وبعدين نحكم علي النجاح من عدمه. بدل ما كنا بنتفرج علي غيرنا ونتحسر دلوقتي بنشاااااااااارك بصفة اللاعب صاحب الدور الأهم وحامل أختام الفريق (البلاي ميكر) زي أبو تريكة وشيكابالا يعني. بقي لينا دور في بلدنا وده الانتصار الحقيقي اللي اتحقق فعلا.. مش متعطل زي كل حاجة في مصر من أول الدستور لغاية المحاكمات الهزلية. يمكن دي مسئولية كبيرة بس اللي بيحبوا

بلدهم كده مش ممكن يضروها ولو عن جهل. وبمناسبة المؤشرات الاولية فمبروك للناجحين وعقبال المراحل الباقية ونتوسم الخير من الكل وإن شاء الله كلنا هنكسب طول ما بلدنا بتطلع وتتقدم مش بترجع للوراء. مصر أمانة في أعناقكم فياريت تعطوها حقها وحق الشعب اللي حط ثقته فيكم وربنا يوفقكم لصالح مصر. وياريت نفضل نسمع بعض والمعارضة قبل الكل... ساعتها هنبقي ماشيين صح وأهلا بتجربة سياسية جديدة ومين عارف يمكن نستمر في مفاجئتنا للعالم ونبقي قوة جديدة؟؟؟. "لو اتفقنا وفكرنا نعملها.يبقي هنعملها". وتحيا مصر الديمقراطية اللي بجد مش زي (( من أجلك أنت))..فاكرين؟؟؟. خلاص أيام وراحت "الحمد لله" ومش هنتبهدل تاني ( وللا إحنا أقل يعني من الفول السوداني!!! ).MK

حمدي قنديل

ولو أنه لم يمض على اندلاع الثورة أكثر من تسعة أشهر، إلا أنه يجب علينا أن نذكَّر أنفسنا وأن يذكَّر المجلس العسكرى نفسه على أى نحو جاء إلى الحكم.. على الفور ستقفز إلى الذاكرة صورة اللواء عمر سليمان «والراجل اللى واقف وراه طبعاً» وهو يلقى خطابه الشهير الذى أعلن فيه أن مبارك تخلى عن السلطة وكلف المجلس الأعلى للقوات المسلحة بإدارة شؤون البلاد، وهو تكليف مخالف للدستور الذى كان قائماً فى ذلك الوقت، كما أنه سقط بسقوط مبارك..

حتى ولو كان المجلس يستند فى وجوده فى السلطة إلى الإعلان الدستورى الذى أصدره هو فى مارس، إلا أنه اكتسب الشرعية فى حقيقة الأمر من مصدر واحد ليس له ثان (من الثورة) أى من ميدان التحرير، من ميادين التحرير.

اليوم يتنكر المجلس للميدان.. ركب المجلسَ عفريتٌ اسمه الميدان، فراح أعضاؤه يقتنصون كل فرصة ليقللوا من شأنه ويعايروه بأنه لا يمثل الشعب، وأنه حتى لو كان رواده يصلون أحياناً إلى المليون ففى مصر كتلة صامتة تختلف معه فى الرأى، أعدادها بعشرات الملايين.. أعضاء المجلس يفوتهم أن الذى يقود الجماهير فى كل العصور، وفى كل البلدان، وفى كل المواقف دائماً ما يكون الفصيل النشط من الشعب الذى يتقدم الصفوف ويقدم التضحيات ثمناً للتغيير..

رأينا هذا منذ شهور قليلة إلى جوارنا فى سوريا، وفى ليبيا، وأيضاً فى تونس، حيث أشعل فرد واحد هو «محمد البوعزيزى» شرارة الثورة عندما أحرق نفسه احتجاجاً على الإهانة والظلم.. ورأيناه منذ فجر التاريخ حتى العشرين سنة الأخيرة عندما بدأ انهيار النظم الشيوعية فى أوروبا.. ورأيناه فى أفريقيا وأمريكا اللاتينية مرات ومرات.. ورأيناه كذلك فى الولايات المتحدة ذاتها عندما خرج زعيم السود مارتن لوثر كينج فى مظاهرته الشهيرة عام 1963 ينادى «عندى حلم» فأسقط النظام العنصرى.. كم كان عدد المتظاهرين يومها؟.. كانوا 250 ألفاً.. وكم كان عدد سكان الولايات المتحدة؟.. لم يكن يزيد على مائتى مليون.. ومع ذلك حققت مظاهرة مارتن لوثر كينج «الحلم».

يتنكر المجلس للتاريخ، ويتنكر أيضاً للواقع.. يتنكرون للشرعية الثورية التى جاءت بهم إلى السلطة فى فبراير، ويتنكرون للقرارات المتتالية التى أصدروها بأنفسهم تلبية لنداء التحرير، وآخرها، منذ أسبوع، قرار قبول استقالة حكومة «شرف» التى لم تكن لتسقط إلا بسبب ضغوط ميادين التحرير، ولأول مرة نجدهم يثيرون البلبلة بطرحهم المتكرر أن التحرير فى واد والكتلة الصامتة للجماهير فى واد آخر، مفترضين، دون سند، أن الكتلة الصامتة فى صفهم هم وليست فى صف التحرير، بل إن واحداً من أعضاء المجلس خرج أمس يزعم أن 90٪ «بالضبط» من الشعب مع المجلس وليس مع التحرير.

المجلس العسكرى بذلك يقامر مقامرة غير محسوبة، ويلعب لعبة خطرة ستؤدى إلى انقسام البلد.. هذا ما رأيناه يوم الجمعة الماضى عندما تمزقت مصر، لا بين ميدان التحرير وميدان العباسية فحسب، لكن قسماً ثالثاً منها هو الإخوان المسلمون هربوا من المشهد المضطرم إلى الأزهر، حيث نظموا مظاهرة لقيطة لإنقاذ القدس فى الوقت الذى تحتاج فيه مصر ذاتها إلى الإنقاذ..

هذه هى الكارثة التى تشهدها مصر الآن: الانقسام الذى تجلى على شاشات التليفزيون جميعهاً مساء الجمعة، عندما انقسمت كل واحدة منها إلى نصفين، نصف يبث مباشراً من التحرير والنصف الآخر يبث من العباسية، نصف يعارض المجلس ونصف يؤيده، وهو أمر ينعكس على الجيش ذاته، الذى ظل على مر العصور بمنأى عن مستنقع السياسة، فإذا بيد الأطراف المتصارعة تطاله لأول مرة منذ قيام الثورة.

هناك أيضاً مغالطة مفضوحة هى أن النصفين متساويان، بل إن إحدى القنوات الفضائية قدرت أعداد المتظاهرين فى ميدان العباسية بـ700 ألف، أى ما يزيد على ثلثى المليون المتظاهرين فى التحرير، وهى مغالطة كشفها موقع «البديل الجديد» الإلكترونى عندما نشر صوراً من موقع جوجل، تم التقاطها من زاوية واحدة ومن ارتفاع واحد قدره 566 متراً للميدانين، تبين بوضوح أن مساحة ميدان التحرير تبلغ 20 ضعف العباسية، أى أنه إذا ما كان التحرير يسع مليوناً من المتظاهرين فإن ميدان العباسية لا يتسع لأكثر من 50 ألفاً، هذا إذا أسقطنا من الحساب الوزن المعنوى لكل من الحشدين، بالأخذ فى الاعتبار إلى أى مدى كان الاحتشاد طوعياً أم كان حشداً منظماً.

الدخول فى هذه المقارنات التى راج الحديث حولها فى اليومين الماضيين سوف يسقطنا فى فخ الانقسام، وهو الانقسام الذى أشعل فتيله، للأسف، الاقتراح الذى ورد فى خطاب المشير بأنه مستعد لإجراء استفتاء شعبى حول استمرار المجلس العسكرى فى إدارة شؤون البلاد من عدمه، كأنه لم يكفنا استفتاء «الدستور أولا الذى أجرى فى مارس، والذى فجر به المجلس أول بذور الانقسام».

مجرد طرح فكرة الاستفتاء الآن هو إيذان بانفجار الفوضى، أو على الأصح بتفجيرها.. طرح فكرة الاستفتاء يحمل تهديداً ضمنياً أن البلد سيحل به الخراب إذا ما تخلى المجلس العسكرى عن الحكم.. الاستفتاء يعنى أن المجلس ليست لديه نية لترك السلطة..

الاستفتاء غير شرعى، وغير دستورى، لا يملك المجلس إجراءه ولا يؤتمن عليه، إذ لا يمكن له أن يكون الخصم ويكون الحكم فى آن واحد.. وحتى لو تم إجراؤه باختلاق أى ذريعة فالسؤال المنطقى الذى يجب أن يكون محل التصويت ليس إذا ما كان الشعب يريد استمرار المجلس من عدمه، لكن إذا ما كان يريد انتقال الحكم إلى سلطة مدنية أم لا.

الاستفتاء أولاً وأخيراً هو ضربة قاصمة لوحدة الشعب، وتوريط للجيش، وليس للمجلس وحده، فى الصراع السياسى.. هذه هى الخطيئة الكبرى فى سلسلة الخطايا التى ارتكبها المجلس منذ تولى إدارة البلاد.. هو وحده، عندئذ، المسؤول الأول والأخير عن انقسام البلد.

*نقلا عن صحيفة "المصري اليوم"

حمدي قنديل

الثلاثاء، 29 نوفمبر 2011

رحمة الله على كل شهيد,,,

‎"ده رأي كتير من الشعب المصري ولازم يحترم حتي لو مضاد لرأي ناس مننا وأنا منهم... بس هي دي الديمقراسي, وللا AAAAAAAAAAA؟؟؟؟؟؟؟."
بس لازم نرجع الفضل لأصحابه الحقيقيين اللي عملوا الطابور ده بدمهم
----((((رحمة الله على كل شهيد كتب بدمة تاريخ النهاردة وتاريخ مصر))))----
ولازم كل واحد شكك ولو لثانية فى (شوية العيال اللى فى التحرير) يفتكر ويقر ويعترف إن "ثوار التحرير الشرفاااااااء" دول هما اللى عملوا لصوتنا قيمة وسعر وده اللي نزل الناس النهارده دي كلها.
ياريت كل واحد قبل ما يدخل اللجنة يدعي للشباب اللى ضحوا بحياتهم علشان تعيش مصر وشعب مصر. وياريت نصون الامانة , وما نهدرش دمهم وننتخب الاصلح لب

لدنا لأن المرحلة الجاية عاوزه ناس "أمناااااء" علي البلد, وتحيا مصر الحرة.MK

الأحد، 27 نوفمبر 2011

أيها المجلس العسكري..شكراااااااا

شكراااااااا أيها المجلس العسكري لقد حققتم كل ما وعدتم به:
- لقد وعدتم بعدم التفريط في دم الشهداء "اللي ماتوا ايام مبارك.طبعا" لأن اللي ماتوا الاسبوع اللي فات "ضحاياااا" وقد أوفيتم بوعدكم!!!.
- لقد وعدتم بعدم محاكمة المدنين عسكريا (إلا المتلبس بسلاح أبيض أو مهاجمة الجيش زي "علاء" اللي سرق المدرعة!) وقد أوفيتم بوعدكم!!!.
- لقد وعدتم بإنهاء حالة الطوارىء قبل الانتخابات مرار وتكرار "لن تتم الانتخابات في ظل قانون الطواريء"..وقد أوفيتم بوعدكم!!!.
- لقد وعدتم بتسليم السلطة في غضون ستة شهور لا أكثر "فاكريييين"..وقد أوفيتم كعادتكم المعروفه عنكم بوعدكم!!!.
........لذا إني أثق في وعدكم بتسليم السلطة (مرة تانية بس أكيد مش زي المرة الاولي طبعا!!!) بعد سبعة أشهر "ابقوا قابلوني"......
........وبناءا على تلك الثقة "المطلقة" الناتجة عن تنفيذ كل ما وعدتم به, أنا هروح أصوت في الانتخابات القادمة وأقول:(يــــــــــــــا لاهــــــــــــــــــــوي) وحسبي الله ونعم الوكيل.MK

السبت، 26 نوفمبر 2011

مش مجرد رفض والله...

س-ماذا سيحدث لو وافقنا علي تعيين حكومة الجنزوري" غصب عننا, طبعا"؟؟؟؟؟....
ج- للأسباب الآتية:-
اولاً - لان في ظل هذا الحل سيظل مكان رئيس الجمهوريه خالياً "شكلياً طبعا"!!!.... و سينتظر مجلس مبارك العسكري الفرصه ليقفز عليه مره اخرى .
ثانياً - ان مهمة هذه الحكومة تنفيذ تكليفات الثورة كامله ومنها تطهير الفساد و محاكمات رموز نظام المخلوع!!!! فقط, و لن تسمح صلاحياتها بمحاسبة اعضاء "المجلس الموقرررررر" الملوثة أيديهم بدم الشهداء. مما يعني انها لن تقوم بمهامها كامله كما نريد.. او انها ستدخل في صدام مع المجلس العسكري و هنكون مجبرين علي النزول الى الميدان من جديد و تقديم مزيد من الشهداء .
ثالثاً - سيكون هناك عدم توافق أو تجانس في توزيع الحقائب الوزاريه نتيجة التباينات السياسيه بين التيارات و التوجهات المختلفه و سينعكس على عمل هذه الحكومه, وهو ما سيساعد عليه وسيستغله المجلس العسكري و فلول النظام المخلوع المنتشرين بيننا لافشال هذه الحكومه قبل أن تبدأ "يعني مفيش فايدة".MK

الخميس، 24 نوفمبر 2011

ما أشبه الليلة بالبارحة!!!

ما أشبه الليلة بالبارحة.... أول حاجة بتيجي في دماغي لما أفكر شوية وأبتدي أقارن "غصب عني.ومن غير ما أحس" للأسف, نفس السيناريو ليلة موقعة الجمل بيان ضعيف ومتأخر لدرجة رهيبة وبعد إنتهاؤه اشتباكات فوراااااااااا. ومفيش حد عاوز يسمع ويركز علشان يفهم!!!. الدخان عمي مصر كلها ومش شايفين تحت رجلينا ومفيش ثقة في أي حد يتفاوض بالنيابة عن أي حد. واقع صعب ومعقد ومطلب تسليم السلطة حالا عليه ضباااااب وناس كتير حجتهم الأمن وناس رافضة لمجرد الرفض وخلاص ,وناس خايفة تتكلم وناس عمرها ما فكرت تقول رأيها أصلا وناس مش فاهمه يعني إيه رأيها وناس مطنشة وما أكترهم!!!. المهم لو ماتحدناش واتفقنا مش هننجح ولا هنوصل..لاااااااااااااااازم نتوحد تاااااااااني كفاية دم.MK

الثلاثاء، 22 نوفمبر 2011

"الثورة الثانية بدأت"...

المنظر اللي أنا شايفه دلوقتي بيثبت إننا لسه فينا أمل نكمل الثورة اللي بدأناها ولم نكملها بعد تمثيلية "التنحي". الميدان لا يعبر إلا عن الشعب المصري وبس واتوحدنا تاني تحت كلمة مصر من غير أي إتجاهات سياسية أو حزبية وهو ده المطلوب في المرحلة الصعبة اللي بنمر بيها. لازم كلنا ننزل علشان نحمي إخواتنا اللي بيموتوا علشان مصر ونجيب حق اللي استشهدوا علشاننا واحنا قاعدين "نجاهد"علي الكيبورد. اللي مش هينزل هو الخسران وبلاش حد يعمل زي الإخوان لأنهم هيندموا علي الموقف المخزي ده قريب جدا. مصر محتاجة لكل ولادها اللي بيحبوها ويخافوا عليها ينزلوا دلوقتي حالا "الثورة الثانية بدأت".MK

الاثنين، 21 نوفمبر 2011

أبشرووووووووا. احنا بنرجع للوراء

حسبي الله ونعم الوكيل,,, للأسف,مفيش أي حد خايف علي البلد.آه كلنا بنقول إننا بنحبها بس بنعملها إيه غير الكلام؟؟؟؟. دم الناس اللي ماتت امبارح والنهارده في رقبتنا كلنا مش المجلس والحكومة بس. الخوف شل تفكير الناس وأعمي عيونهم عن الرؤية السليمة, والحقيقة الوحيدة في الموضوع " إننا كان لازم نكمل الثورة بعد تمثيلية التنحي "...مش قولتلكم من زمان؟؟؟. المهم دلوقتي نعرف ونحدد احنا عايزين ايه ونتفق عليه و نفسي أقول للقوي السياسية "المصررررررييييية" كفاية اختلاف وتقطيع في بعض علشان خاطر مصر "المظلومة" بيننا من غير ذنب أو خطيئة. اتفقوا مرة واحده علشان ربنا يكرمكم لأن اللي بيحصل دلوقتي رجعنا قبل الثورة وأسوأ كمان. أنا شفت مناظر مستحيل حد يصدق انها امبارح مش يوم 28 يناير!!!!. وأحب أقول لكل المسئولين المتواطئين (المجلس والحكومة) فوقوا احنا بنرجع للوراء وماشيين عكس الزمن. فوقوا مش حتلاقوا التورتة اللي بتقطعوا فيها من دلوقتي. ارحموا مصر وارحمونا علشان ربنا.MK

السبت، 19 نوفمبر 2011

أوعاك تغلط نفس الغلطة!!!

يحكى إنه كان يا ما كان ... كان فيه ثورة ... ثورة شعب ... وكان فيه مجلس ... مجلس عسكر ... قام الشعب بعد الثورة رفع المجلس فوق الراس ... وقال ياسلام شايف جيشنا شايف الناس ونعم الناس ... قام المجلس عمل إستفتا ... وقال للناس ياللا ياناس حطوا الخطة ... راحوا الناس أدلوا بصوتهم قالوا كلمتهم عملوا الخطه ... قام المجلس قال ياسلام بس خلاص عرفنا الخطة ... فرح الناس وقالوا أهي هانت أدي الناس وأدي المجلس وأدي الخطة فاضل لنا زلطة ... قام المجلس نط النطة ... وحطة يا بطه يا ديل القطة فين الخطة !!! إيه الخطة!!!! ليه الخطة!!! لمين الخطة!!! منين الخطة!!! ... راحت خطة وظهرت خطة!!!! .... إصحي يا شعب كفاية مغالطة ... وأوعاك تغلط نفس الغلطة ... أصحى ياشعب وأحرس حقك وأوعى تسلم تاني رقبتك ... وأوعاك تنسى أصل القصة ... أصل القصة إنه كان .. كان ياما كان ... كان فيه ثورة ...MK

ودع شخصك السلبي!!!

وصل الموظفون إلى مكان عملهم فرأوا لوحة كبيرة معلقة على الباب كُتب عليها:لقد توفي البارحة الشخص الذي كان يُعيق تَقَدُّمَكُم وارتقاءكم في هذه الشركة وسيكون العزاء في الصالة المخصصة لذلك.. في البداية حزن جميع الموظفون لوفاة زميلهم في العمل، لكن بعد لحظات تَمَلَّكّهم الفضول لمعرفة هذا الزميل لاسيما أنه كان يعيق تقدمهم ونمو شركتهم.. بدأ الموظفون بالدخول إلى القاعة لإلقاء نظرة الوداع عل...ى جثمان المتوفى وتولى رجال الأمن بالشركة تنظيم عملية الدخول الفردي لرؤية الجثمان داخل الكفن. .وكانوا كلما رأى موظف الشيء الذي بداخل الكفن ذهل وبشكل مفاجئ يصبح غير قادر على الكلام. لقد كان الذي في الكفن مرآة تعكس صورة كل موظف ينظر داخل الكفن وبجانبها لافتة صغيرة تقول :هناك شخص واحد في هذا العالم كان يعيق طموحاتك ونموك العالم وهو أنت... حياتك لا تتغير عندما يتغير مديرك أو يتغير أصدقاؤك أو زوجتك أو شركتك أو مكان عملك أو حالتك المادية… حياتك تتغير عندما تتغير أنت... راقب شخصيتك وقدراتك ولا تخف من الصعوبات والخسائر! كن رابحاً دائماً! وضع حدودك على هذا الأساس. لتصنع الفرق في حياتك.
.MK

الجمعة، 18 نوفمبر 2011

الإستهانه بالبشر نوع من الغباء

علي فكره أنا مش محبط ولا يائس,بالعكس أنا شايف إننا لازم نصلح غلطتنا وبسرعة وده رأي "العبد لله". ولما كتبت وقولت إنهم نجحوا آآآآآآه نجحوا وإحنا السبب مش كفائتهم أو ذكائهم ولا تقليل من شأنهم أو استخفاف بأي حد لأن الإستهانه بالبشر نوع من الغباء . ببساطة شديدة هما نجحوا لأننا إحنا اللي ساعدناهم وطنشنا وعملنا مش واخدين بالنا.
واللي خد باله قال أنا عملت اللي علي أسيب حد تاني يكمل " يعني ثورة إلا تلت" وسبناهم ينجحوا!!!!!!!!!!.صح ولا إيه....MK

الخميس، 17 نوفمبر 2011

للأسف... ده نجاح مش فشل!!!

عذرا الى جميع من اتهم المجلس العسكري والحكومة بالفشل فى ادارة الفترة الانتقامية انا اختلف معكم و بشدة فهم لم يفشلوا بل نجحوا بشدة و بذكاء فى القضاء على الثورة فلم يكن ابدا هدفهم النجاح فى الفترة طبقا لمنظورنا نحن بل نجحوا طبقا لمنظورهم فى تأخير البلد ووضعها السىء و المستقبل المظلم و جعلوا اهل الثورة من بعد عزة اذلة و حطموا عجلة الانتاج و خربوا البورصة و الاقتصاد و حاكموا المدنيين عسكريا و قتلوا الاقباط فى ماسبيرو و اشعلوا الفتنة بين الشعب و رفعوا اشباه الرجال فى مواقع الرجال و اذلوا شباب الثورة و ابعدوهم و ابتدعوا خرافة القائمة و الفردى و سمحوا للفلول بالترشح و منعوا محاكمات الطاغية ان تعلن و شتتوا القوى السياسية فى توافه الامور و اطلقوا العنان للسفهاء على شاشات التلفاز و خطفوا و عذبوا و طغوا - هؤلاء فعلوا كل الموبقات بنا بذكاء كى نلعن الثورة و يهربوا من الحساب.فهل سنتحرك؟؟؟؟؟؟؟؟؟؟؟.MK

يؤسفني أقول لحضراتكم ,,,,إن اللواء اللي مقبوض عليه في الصورة ده "اللواء: محمد نجيب" أول رئيس مصرييييييييييييييييييي لجمهورية مصر العربية!!!!. وكانت التهمة إنه كان "قال إيه؟؟؟ عاوز الجيش يرجع لثكناته" . أحسن يستاهل. حد يعمل كده؟؟؟.MK

السبت، 12 نوفمبر 2011

جزاكم الله خيرا...

النهاردة لقيت خبر جديد ومبشر بخصوص منع فلول الوطني من المشاركة في الانتخابات البرلمانية "حكم محكمة " وأنا شايف إن الناس مش مركزة في أهمية الخبر مع إنه مهم جدا جدا جدا..!!!. إحنا ليه مش بنركز غير علي الأخبار " اللي تحرق الدم ....وما أكثرها " ولما يكون في خبر كويس منهتمش بيه ونعطيه حقه؟؟؟. الخبر المفروض إنه إنتصار للقضاء "العادل" علي ضغوط شديدة اتمارست عليهم علشان يلغوا الحكم أو يأجلوه علي الأقل لما بعد الانتخابات البرلمانية ,بس الحق يقال هما أنصفوا "كلمة الحق" وغلبوا "صوت الضمير " علي الأصوات الباطلة وما أكثرها وحسسونا إن الأمل في بكره أفضل لسه موجود والحق مش حيضيع بإذن الله. شكرا لكل من قال كلمة حق مهما كان منصبه صغير أو كبير. وشكرا لكل من قدم صوت ضميره علي أي ضغوط. وشكرا لكل من قدم مصلحة مصر علي أي مصالح أخري. جزاكم الله خيرا.......MK

السبت، 5 نوفمبر 2011

كل عام وأنتم بخير...

كل سنة وحضراتكم بكل خير وصحة وسعادة وحرية وكرااااااااامة بمناسبة عيد الأضحي المبارك. إن شاء الله العيد اللي جاي نكون كلنا حققنا أحلامنا الشخصية والوطنية "بالتحديد". لأن مصر أهم مننا كلنا و حريتها وكرامتها هي الحلم الكبير اللي عشناه مع بعض وإن شاء الله نحققه قريب. وده أول عيد ليا معاكم ومع المدونة بتاعتكم "قبل ما تكون بتاعتي" وعقبال مليون عيد سعيد عليكم وعلي بلدنا مصر أجمل بلد في الدنيا ربنا يحميها ويحفظها من كل شر........... وكل عام وأنتم بخير.MK

الأربعاء، 2 نوفمبر 2011

اللهم طولك يا روح!!!

كل الاحزاب اللي حضروا اجتماع النهارده مع "علي السلمي" كان رفضهم واضح وشديد للمادة "المشبوهة" التاسعة الخاصة بالقوات المسلحة ومحاسبتها وميزانيتها. طيب وبعدين!!!!. طيب لو انتوا رافضين زي ما قلتوا حتعملوا اييييييييه؟؟؟؟. المفروض يكون في توعية للناس بخطورة واهمية الموضوع لأن مش حينفع يبقي في حد فوق المسائلة أو المحاسبة حتي لو كان الجيش. الأيام دي بقت ماضي خلاص ومش هينفع تتشرطوا علينا قبل ما تسيبوا الحكم " يا إما كده أو مفيش خالص".كفاية قوي البلاوي اللي عملتوها وآخرها الانتخابات اللي فشلت قبل ما تبدأ. ارحمونا وارحموا مصر لو عاوزين ربنا يرحمكم كفااااااااااية.MK

الثلاثاء، 1 نوفمبر 2011

حريييييييييييييييييقة!!

الوضع فى مصر هذه الأيام يشبه حريقا اندلع فى بيت وبدلا من أن يسارع الجيران لإطفاء الحريق المشتعل فى جنباته قرر واحد منهم أن يدخل ليأخذ النجفة، وجار آخر قفز من النافذة بمساعدة آخرين ليحصل على كنبة الأنتريه، وواحد عينه على التليفزيون حمله وخرج، وجيران تجمعوا حول حلل المطبخ يتنافسون على الفوز بها، بينما الحريق يتسع ويتمدد…
المجلس العسكرى هنا لا يملك خبرة رجل الإطفاء ليخمد النيران، ولا هو يملك قدرة الشرطى ليقبض على الجيران، فأخذ يضرب الجيران بخراطيم المياه، ويطفئ النار بأن يلعن الذى أشعلها!
الحاصل أن مصر قد ثارت فعلا بفضل حضارتها، نعم حضارة المواطن المصرى التى تسرى فى شرايينه ووجدانه وتظهر كالشهاب اللامع والبرق الخاطف فى لحظات تعيد المصرى إلى القمة التى يجلس عليها منذ بدء التاريخ، بل وقبل أن يعرف التاريخ نفسه أنه بدأ، وهى الحضارة التى تجعله فى ثمانية عشر يوما يعطى درسا للدنيا فى عظمة المصرى حين يقرر أن يكون عظيما.
فى اليوم التاسع عشر عاد المصرى إلى واقعه وإلى عقله!
تصرف المصريون فى الثورة بحضارتهم وفطريتهم وجينات التاريخ ووجدانهم السوىّ السليم الناصع، ولكنهم تصرفوا بعدها طبقا لما يمليه عليهم عقلهم.
والعقل لديه مشكلة تراكمت منذ سنين طويلة كانت أبرزها ثلاثينية مبارك!
ما الذى جرى بالضبط؟

الثلاثاء، 18 أكتوبر 2011

يا تري اللي بيحصل ده لمصلحة مييييين؟؟؟

مين اللي مصمم يفرقنا ويوقع بيننا وكمان يسخنا علشان يحرق البلد بأي طريقة؟؟؟.ومين اللي مصلحته في نشر الفوضي والتحزب والطائفيه وانعدام الثقه المتبادل بين جميع الطوائف والفئات؟؟؟.مين اللي سايب كل مشاكل البلد بدون حل وكل همه يعمل مشاكل زياده ليزداد الاحتقان؟؟؟.مين اللي جرنا لبعيد جدا عن اللي الثورة قامت علشانه ونزلنا مستنقع مفيش فيه أي نظافه؟؟؟.مين اللي وقع بين الساسه لدرجة حل معظم التحالفات السياسيه بعد كام شهر؟؟؟.طيب مين اللي حيمنع الفلول من الرجوع للبرلمان ولو حصل والصناديق رجعتهم مين اللي حيقف لهم داخل المجلس؟؟؟.طيب بلاش دي....يا تري مين اللي هيأمن الانتخابات البرلمانيه بعد ما الأمن فشل حتي في تأمين مباريات كرة القدم؟؟؟.وبالمناسبه..مين اللي هيأمن اقتصادنا ويضمن لنا نزاهة وعدالة القروض اللي هناخدها ويحاول ولو محاولة يرجع فلوسنا المنهوبه مع العلم "ما ضاع حق وراؤه مطالب به" ؟؟؟.وللاسف مش هلاقي اجابه لو سالت مين مننا عمل حاجه "غير الفضفضه علي الكيبورد" لمنع كل البلاوي دي عننا وعن بلدنا؟؟؟.مين اللي هيخاف علي البلد لو احنا "وقصدي بيها كل واحد مكتوب في بطاقته أنه مصري"مش هنخاف عليها؟؟؟.MK

الأحد، 16 أكتوبر 2011

ماذا حققت الثورة من أهدافها؟؟؟

1- خلعت رئيس خائن، وأزالت عن المؤسسة العسكرية عار أن يكون قائدها الأعلى خائن .

2- إلغاء مشروع التوريث، وإنقاذ المؤسسة العسكرية من أن يكون رئيسها طفل تافه وحرامي.
...
3- وقف نزيف بيع مصر، حيث أصبح المجلس العسكري لاينازعه شريك في ملكية أراضي مصر .

هذه هي الاهداف الثلاثة للثورة التي تحققت حتى الآن، فالثورة قامت فقط لفائدة المجلس العسكري أين الفائدة للشعب المصري، في حقيقة الأمر لا توجد وخاصة ان المجلس العسكري يعمل على إعادة استنساخ النظام السابق , لكن هذه المرة بدون رئيس خائن وبدون وريث مدلل، وبدون من ينافسهم على الأرض , قامت الثورة وخرجت مكتسباتها ولكنها لم تفد أحد سوى المجلس العسكري، الذي لم يكلف نفسه عناء تلبية طموحات المواطن , لم يعمل المجلس العسكري جاهدا على إنعاش الحياة الاقتصادية، ولم يتدخل لتحقيق أهداف الثورة , بالاضافة الى ذلك السماح لرموز النظام السابق الذين افسدوا الحياة السياسية من الدخول بقوة لانتخابات مجلس الشعب..فلننتظر الموجة الثانية للثورة .MK

للاسف,الاختلاف في وجهات النظر يفسد للود قضيه!!!

انا مضطر ابدا بسؤال شايفه مهم "عارفين ايه هي اكتر حاجه بنعملها لما بنصطدم بوجهة نظر مختلفه؟؟؟!!!....للاسف,اكتر واسهل حاجه عندنا هي.... "التخويييين".الكلمه رغم قسوتها الا ان في ناس كتير متعوده تقولها طول النهار والليل وتوصف بيها الناس للهرب من مناقشة الاختلاف واسبابه لعدم وجود قدرة عندهم.وطبعا ضعف او انعدام حجتهم عامل رئيسي وعدم القدرة علي تغيير الحقائق وتكذيب كلمة الحق"حتي لو كانت متصوره ومتسجله وواضحه".وده اسبابه معروفه وعلاجه صعب شوية بس ممكن.اما المرض الخطير فعلا هو عدم تقبل الاختلاف في وجهات النظر من الاساس. لان للاسف علاجه مستحيييييييل"hopeless case"من الاخر يعني.ربنا يكفيكم و يكفينا شر الامراض ويهدينا للحق وينور بصيرتنا ولو احنا مثلا ما نستاهلش اكيييييد مصر تستاهل احسن من كده بكتييييييير.MK

الجمعة، 14 أكتوبر 2011

بدون عنوان افضل!!!

لما قال شباب كنتاكى واحنا ارواحنا يامصر فداكى ..
لما قال امشى من الميدان والراجل هيقعد بس 6 اشهر كمان ...
لما قال فئوية مش وقت المطالب دية ...
لما قال مفيش كشف عزرية دول اكيد بنات مش متربية ...
لما قال وماله لما الجيش يحكم مش تبع جمال يبق خلاص يامر ...
لما قال نعم للترقيع الدستورى وانتى يا لأ امشى وغورى ....
لما قال ليه الظباط نزلوا الميدان يستاهلوا اللى جرالهم واكتر كمان ...
لما قال على الشهداء حرامية ونسيوا انهم راحو ضحية ...
لما قال على الثوار بلطجية الحقى يا عباسية ومحمد محسن كان هو الضحية ...
لما قال الاعتصام هيبقى مائدة رحمن انزل يا جيش اضربهم فى نهار رمضان ...
لما قال ليه يروحوا عند السفارة ويقتحموا كمان العمارة يومها الطوارىء كانت احسن امارة ....
لما قال وقفتوا العجلة وزى مايكون الميدان هو مفتاح العجلة .....
لما قال دول مسلحيين واحنا مالنا اللى ماتو مسحيين ونسيوا اننا كلنا مصريين ....
لما قال المهم العيش وغمضوا عينهم عن تجاوزات الجيش....
واللى بيشتم ويبيع اهله وناسه يبقى عميل من ساسه لراسه ...
وفى النهاية الثوار هما الضحية ... وبيضحوا بحريتهم وبارواحهم علشان الناس دية ...
ولولا تراب الغالية مصر ما نزلنا وطلبنا النصر وضحينا باحلى شباب فيكى يا مصر ...
الله يرحم شهدائنا جميعا ويسكنهم فسيح جناته
وحسبنا اللة ونعم الوكيل.mk

ارحمونا وارحموا مصرنا واتركونا وأرحلوا...

أيها الخونة المتآمرون .. يا من عكفتم طوال ثلاثين عاماً على حراسة من باع هذه الارض الغالية أرض مصرنا الحبيبة ونهب خيراتها ودمر شعبها .. يا من التزمتم الصمت أمام مقتل المئات من خيرة شباب مصر وتعجيز الآلاف من أبنائها الأبرار .. وها أنتم الآن تعملوا جاهدين على تمزيق نسيج الأمة بطعنها في مقتل ألا وهو الدين في الوقت الذي توهيموننا بحمايتنا وخوفكم علينا وأنتم في حقيقة الأمر لا تحمون إلا أنفسكم ومن حرستموهم طوال ثلاثين عاماً ولا تخافون إلا على كراسيكم وأموالكم الطائلة .. نستحلفكم بمن أوشكتم على لقاء وجهه الكريم أن تخافوه وتتقوه فينا وفي مصرنا الحبيبة ..

خافوا يوم لا ينفع فيه مالاً ولا بنون واتقوا الله في أنفسكم وفينا واتركونا نحيا معاً في سلام .. اتركونا نعيش ونبني بلدنا ونصلح ما افسدتموه انتم ومن حميتموهم .. ارحمونا وارحموا مصرنا واتركونا وأرحلوا عسى ان يرحمكم الله ..mk

الخميس، 13 أكتوبر 2011

إلى من فعلوا المستحيل ثم ترددوا عند الصعاب!!!!

إلى كل من ثار من أجل الديمقراطية ثم اشتكى من الاختلاف. من ضحى من أجل الحرية ثم التمس الأعذار للطوارئ والمحاكمات العسكرية. من نادى بالعدالة الاجتماعية ثم ضجر من المظاهرات الفئوية. من عشق الوحدة الوطنية ثم سارع بلوم الآخر. من مات أهله لإسقاط الديكتاتور ثم علّق النجاة على ظهور زعيم جديد. من كره أن يُطعَم الحقيقة ثم بحث عمن يفسر له الأحداث وارتاح لنظريات المؤامرة. من تخطى الخطوط الحمراء ثم رسم غيرها. من علموا العالم ثم ارتدوا لخرافة أننا شعب جاهل. إلى من فعلوا المستحيل ثم ترددوا عند الصعاب. أفلا تتذكرون؟!!!

الأحد، 9 أكتوبر 2011

شباب الثورة الجميل اللي كنا بنشوفوا؟ فين دول؟ راحوا فين؟؟؟؟

كل ما عيني تيجي بالغلط على احدى قنوات التلفزيون الحكومي الاقي واحد من المجاعيص او واحدة من المجعوصات عمالين يلطموا و يولولوا و يقولوا مش دول شباب ثورة يناير اللي كنا بنشفوهم .
شباب الثورة الجميل اللي كنا بنشوفوا؟ فين دول؟ راحوا فين؟

مع انهم لو خطفوا رجلهم لحد السجن الحربي هيعرفوا الاجابة بمنتهى البساطة"منقول".mk

عن ماذا تفتش!!!؟

عن دفتر ممزق !!!؟

عن قلم مكسور !!!؟

أم عن كابوس الأمن الذي يقضّ قفصك !!!؟

في حقيبتي .. صورة شقيقي الشهيد، وأبي الشهيد، وشقيقتي الشهيدة..

وكراسه الرسم الذى احتفظ فيها برسم أشجار الزيتون التي رسمتها

قبل أن تجرفوها من جذورها في الأرض....

الخميس، 6 أكتوبر 2011

اعلان هام:تعلن أحزاب مصر عن فتح باب الاحتراف أمام الساده الفلول

الحاجه المرعبه واللي تقلق بجد هي التخبط والعشوائيه "المقصوووووده" اللي بنعيشها يوميا في كل جوانب حياتنا وخصوصا السياسه لدرجة ان الأحزاب الورقيه الكرتونيه بقت أنديه محترفه"بعد فتح باب الاحتراف أمام فلول الوطني ع الآخر!!!" والمجلس بقي عامل زي مجلس ادارة اتحاد الكوره "كل يوم يرجع في قرار ويعدله قرارين تلاته" بعد قعدة نفاق وكدب وشرب الشاي أبو ياسمين مع شوية "نصابييييييين " بيتكلموا باسم الشعب مش عارف بأمارة اييييييييييه.للأسف مفيش ولا واحد من الموقعين علي البيان"وثيقة العار" ممكن نقول عليه انه بيعبر عن حزب حقيقي محترم له وجود في الشارع المصري أو عن فئه أوجماعه أو حي سكني أو حتي عن عياله اللي في البيت!!!. ده حتي اللي وقعوا رافضين!!!.أه والله مش جماعة الاخوان المسلمين بعد التوقيع أعلنت رفضها لتوقيع حزبها مع انه "رفض دبلوماسي بينيمونا بيه"!!!.وليه كل السياسيين والصحفيين والمذيعين والناشطين والمدونين والفيسبوكيين والناس العاديين والمطنشين واللي مش فاهمين....... رافضين؟؟؟؟.يا تري بعد ما كل البلد رفضت الأعتراف بالبيان والوثيقه والاجتماع من الأساس برضه المجلس هيعمل اللي هو عاوزه واحنا نخبط راسنا في الحيط واللي مش عاجبه يشرب من البحر أو ينزل التحرير يفك نفسه شويه بكلمتين وهتافين وبعدين يروح بيتهم يقعد يجاهد علي النت!!! للأسففففففففف واضح كده ان ده هو اللي هيحصل لأننا زهقنا ومش عاوزين نكمل الثورة للآآآآآآآآآآآآآآخر,ماشي يا بني آدمين وماله بس والله العظيم لو سمعت أي واحد من النصابيييييين "اللي باعوا نفسهم ومشيوا مع المجلس في السكه البطاله " بيجيب سيرة الثورة أو بيتاجر بدم الشهدا همسح بكرامته الأرض.كل واحد يتكلم عن نفسه وبسسسسسسسسسسسسس,MK

الثلاثاء، 4 أكتوبر 2011

اللهم أنعم علي بنعمة التناحه ..واجعلني من المتنحيييييين

في حالة احباط وزهق وبوادر يأس عشتها ولاحظتها عند ناس كتيييير.سواء كانوا من الناس العاديين"اللي زي حالتنا",أو من الناس اللي بيقولوا انهم مثقفين,وامتدت للناس اللي بيقولوا انهم اخوان وسلفيين,وخدت في سكتها الليبراليين والعلمانيين, ومنقدرش طبعا ننسي اخواتنا الغلابه الساده المسئولين,وبالتأكيييييد طبعا اخواننا المطحونين والشقيانين والمعتصمين والمضربين وكل المظلومين,ده حتي الفلول والمنتفعين والحراميه السابقين اللي في طره مشرفين بيقولوا انهم مخنوئين!!!,لو في حد تاني معانا في البلد يبقي ما أعرفوووووووش."فاكريين كنا عاملين ازاي قبل الثورة؟؟!!"البلد بتغلي والمسئولين مطنشين و"متنحييييين....!!!" بس طبعا الغلط عندنا واحنا السبب مش الساده المسؤلين "كان الله في العون.وسدد خطاهم للنهوض ورفعة شأن الأمهsorry اتأثرت ب"ابراهيم نافع وسمير رجب".علي فكره: أنا مش بهزررررررررر ولا بهيس عليكم والله العظيم احنا السبب؟؟؟؟ أيووووونننننننن احنا السبب!!!!.أقولكم ليييييييييه؟ في حد يعمل " ثورة الا... حته" وبعدين يزهق ويكسل ويروح بيته وينفض ويقول أنا عملت اللي عليا!!!!فففففففففف.بس معلش كلنا بنغلط ويااااما غلطنا وعرفنا غلطنا وصلحناه وهو ده المهم اللي لازم نتفق عليه"احنا بنصلح غلط سنييييييييييييين".ومش عاوزين اللي بيزهق بسرعه ولا اللي نفسه قصير ولا المحبطيييييييين... عاوزين نرجع الشعب اللي كان قاعد في الميدان"فاكرييييييييييين؟؟؟؟".شعب كان بينضرب بالنار واللي متصاب يموت مكانه ويستشهد قدام عيننا كل يوم العشرات وبالرغم من ده كله كانوا قاعدين مبسوطين ورافعين رأسهم وفرحانين انهم مصريين وايه"العالم كله واقف علي رجل واحده" واحنا في الميدان قاعديييييييييييين."فاكرين الأيام دي؟؟؟؟؟؟؟".MK

الاثنين، 3 أكتوبر 2011

تسلم ايدك يا عمر..كنت هقوووولها!!!!

عمر طاهر

أقر أنا كاتب هذه السطور أن الأحزاب التى تتحاور وتوقع اتفاقات مع المجلس العسكرى أو أى جهات أخرى لا تمثلنى بأى شكل من الأشكال، وأنه من الثابت تاريخيا أن قادتها كانوا متحفظين على ثورة 25 يناير فى بدايتها وكانت لديهم رغبة كامنة فى التهدئة وإنهاء الثورة حتى يبقى النظام السابق كما هو مقابل عمولة سياسية، وبخلاف أنهم لا يمثلوننى أقر أنهم ليسوا محل ثقة لتوقيع أى اتفاق شرف من أى نوع. مَن الذى سيحترم وثيقة كهذه؟ اللليبراليون الذين لم يحترموا «نعم» التى قالها الشعب؟ أم الإخوان الذين تركوا شبابهم يواجه الموت فى التحرير مع شباب الثورة وذهبوا للجلوس مع عمر سليمان والتفاوض حول جزء من التورته؟ أم السلفيون الذين نقضوا الاتفاق ورفعوا علم السعودية فى التحرير؟ (الإخوان والسلفيون الذين يقبلون الآن ما يرفضونه بقوة خلال الأشهر الماضية لوجه المناصب لا لوجه الوطن)، أم السيد البدوى الذى أغلق جريدة «الدستور» على نفقته الشخصية لصالح النظام؟ أم موسى مصطفى الذى استولى بالبلطجية على حزب الغد من أيمن نور فى أثناء وجوده فى السجن؟ وأننى أرفض أن تمنح جهة ما صكوك الرضا والتأييد المطلق للمجلس، وأقر أننى كمواطن مصرى غير راض عن أداء المجلس العسكرى لعجزه عن إدارة شؤون البلاد اقتصاديا وأمنيا وسياسيا، وأخيرا مهنيا، حيث فرض على مهنتى وجود رقيب عسكرى على الصحف يمنع ويصادر، وبوجود وزير إعلام يغلق قنوات ويهدد أخرى باقتراب إغلاقها، ولذلك أعتبر وثيقة الرضا باطلة شكلا وموضوعا، وأننى أرفض اعتماد أى وثيقة تحدد مصير البلد دون أن أُستفتى عليها، وأقر أنه من هذه الساعة، وحتى لحظة وقوفى أمام صندوق الانتخابات، لا يوجد أحد يتحدث باسمى أو نيابة عنى، لا مجلس ولا حزب ولا ائتلاف ولا منظِّر سياسى ولا ضيف فى برنامج، وأحذّر كل من يستخدم كلمة «الشعب» فى التفاوض أو عرض المطالب أو التأييد أو إصدار البيانات أو التنقيط فى أى فرح من الزج باسمى فى سياق الكلمة دون تصريح كتابى منى، وعليه إذا ما استخدم كلمة «الشعب» أن يقول «الشعب ما عدا عمر طاهر وأنا كماااااااااااان…………» كل من يضع اسمه فى هذه المساحة الخالية.

مصري وبس !!!