لما قريت وبعدين شوفت بعيني المتهم المحترم ابن............المتهم الوطني,والسيده.......الغوله سابقا,وشقيق"اخوات اخوات يعني" المتهم معاه هو وابوه وشلة لواءات داخليه باسوأ تهمه سمعت بيها من يوم حادثة دنشواي.جيمي بقي بسلامته "اشار باصبعه باشارات خارجه" للساده المحامين المدعين بالحق المدني......متربي تربية class وكان المرشح الواحد الوحيد لوراثة عزبة بابا وكان ناوي يتنازل وينقص من قدره ويرضي يحكمنا.دا غير انه بينفذ وصية بابا "الله لا يرحمه دنيا واخره".تخيلوا انه وهو متهم في القفص بيعمل كده!!!!!!!!!.يعني بكل صراحه لو كان مسك البلد ممكن ي......................نا كلنا من باب المساواه في الظلم عدل وطبعا برضه هيكون ماشي طبقا لوصية بابا "الله لا يرحمه ويفجر الطوبه اللي حيحطوها تحت راسه" اللي كان بي..........نا كلنا 30 سنه.بالرغم من عدم ثقتي في اي جزء من تمثيلية المحاكمه دي واخرها الجزء الاخير بتاع الشهاده كان منقول بالنص من الفصل بتاع المحكمه في مسرحية "شاهد ما شفش حاجه" الا اني لازم اطول بالي واحترم القضاء والقانون وما نساش ان القانون هو اللي مش محترم نفسه "بيني وبينكم سمعت عنه كلام بطال انه كان ماشي مع الفلول والناس كلها كانت غيرانه منهم بس مش قادره تتكلم".وبالرغم من كل ده الا ان في حاجه اهم وهي العداله الالهيه اللي خلتنا دلوقتي قاعدين نتفرج علي الناس اللي كانت بتدوس علي الناس والبلد وما كانش ممكن حد منهم يصدق انه حيتحاسب ونسيوا ان ربنا "يمهل ولا يهمل".وعلشان ثقتي في العداله والعنايه الالهيه انا طمعان ان بلدي تعدي من ده كله علي خير وبسررررررررررررعه علشان يا دوب نقدر نعوض ولو جزء من اللي فاتنا في الفترة السودا اللي فاتت وده مش كتير يا رب دي مصر......يااااااااااااااااااااااااااااااااااااارب.MK
ليست هناك تعليقات:
إرسال تعليق