من صغرنا بيقولوا لنا "اربط الحمار مكان ما صاحبه يحب" ... "وامشي جنب الحيط "... "والحجر الداير لابد من لطه "... إلي آخر الامثال المحبطة والمهبطة...
وحاجات كتير من النوع ده من النصائح الخايبة اللي بيشجع علي الاستسلام والقبول بالأوضاع كما هي وعدم الرغبة في التغيير أو حتي انتقاد الواقع ... ليه ؟؟؟ مش عارف ..!!!
وبعد تأكد فشل كل هذه الامثال والمقولات في التأثير فينا والحمد لله ... ظهرت نصائح الألفية الجديدة "اللي نعرفه أحسن من اللي مانعرفوش " ... "امشي جوه الحيط"..لأن مافيش مكان جنبها خلاص... ولكن لا تأثير لها أيضا !!... مفيش فايدة فينا من الآخر...
بس ياريت اللي بقولوا الكلام ده واللي عاوزينا نسكت ونقعد نتفرج زيهم يفهموا ان الكلام ده بيحفز الشباب أكثر وأكثر ويزيد اصرارهم علي استكمال المشوار للنهاية..
احنا سمعنا كلامكم كتيير ولكن النتيجة طلعت زي الزفت علي دماغنا ودماغ البلد ...
افهموا بقي ان الحمار مش هيتبهدل تاني
"زي الفول السوداني بالضبط... هو مش أقل منه" .. الحمار تعب ولازم يرتاح في الحتة اللي اختارها مش اللي صاحبه أرغمه عليها ...
تخيلوا بقي ان ده رد فعل الحمار ... يبقي البني آدم يعمل ايه ؟؟؟
احنا مش أقل من الحمار أو الفول السوداني ... احنا بشر من لحم ودم وعقل وقلب ....
يعني مش هينفع حد يسوقنا كالقطيع وكمان من غير بوصلة توجهه ..
ومش هنقعد نتفرج علي حد وهو بيضيع البلد وبيهدم الثورة وكل ما هو ثوري أصبح عدو له ... ليه "مع انه مع الثورة" علي حسب أقواله ؟؟؟؟
اللي عاوز يحرق البلد هو اللي بينشر الطائفية وبيحرض الناس علي النزول والتصدي للثوار في إعلامه المنافق والأجير .واللي بيبهدل بنات البلد وشبابها ويسجنهم علشان رأيهم وسايب البلطجية علي راحتهم مع أنه قادر يلمهم هو المسؤول عن خراب البلد لا قدر الله...
الثوار بقوا الفئة المستضعفة والحيطة المايلة في البلد ... وبعد ما كان صوتهم عالي ابتدي التشويش صوته يعلي علي صوتهم علي أمل يكتموا صوتهم خالص...
بدل ما نحاسب الثوار لازم نحاسب المسؤولين عن شد البلد للخلف بكل قوة وتصميم ...
ولو مش هتحاسبوهم يبقي سيبونا احنا نقف ليهم ونحاسبهم "احنا عاوزين كده" ...
مع عدم اغفال حق الحمار في أنه يتربط في أي مكان يختاره ...
عقبالنا لما ناخد حقنا زي الحمار والفول السوداني..MK
من صغرنا بيقولوا لنا "اربط الحمار مكان ما صاحبه يحب" ... "وامشي جنب الحيط "... "والحجر الداير لابد من لطه "... إلي آخر الامثال المحبطة والمهبطة...
وحاجات كتير من النوع ده من النصائح الخايبة اللي بيشجع علي الاستسلام والقبول بالأوضاع كما هي وعدم الرغبة في التغيير أو حتي انتقاد الواقع ... ليه ؟؟؟ مش عارف ..!!!
وبعد تأكد فشل كل هذه الامثال والمقولات في التأثير فينا والحمد لله ... ظهرت نصائح الألفية الجديدة "اللي نعرفه أحسن من اللي مانعرفوش " ... "امشي جوه الحيط"..لأن مافيش مكان جنبها خلاص... ولكن لا تأثير لها أيضا !!... مفيش فايدة فينا من الآخر...
بس ياريت اللي بقولوا الكلام ده واللي عاوزينا نسكت ونقعد نتفرج زيهم يفهموا ان الكلام ده بيحفز الشباب أكثر وأكثر ويزيد اصرارهم علي استكمال المشوار للنهاية..
احنا سمعنا كلامكم كتيير ولكن النتيجة طلعت زي الزفت علي دماغنا ودماغ البلد ...
افهموا بقي ان الحمار مش هيتبهدل تاني
"زي الفول السوداني بالضبط... هو مش أقل منه" .. الحمار تعب ولازم يرتاح في الحتة اللي اختارها مش اللي صاحبه أرغمه عليها ...
تخيلوا بقي ان ده رد فعل الحمار ... يبقي البني آدم يعمل ايه ؟؟؟
احنا مش أقل من الحمار أو الفول السوداني ... احنا بشر من لحم ودم وعقل وقلب ....
يعني مش هينفع حد يسوقنا كالقطيع وكمان من غير بوصلة توجهه ..
ومش هنقعد نتفرج علي حد وهو بيضيع البلد وبيهدم الثورة وكل ما هو ثوري أصبح عدو له ... ليه "مع انه مع الثورة" علي حسب أقواله ؟؟؟؟
اللي عاوز يحرق البلد هو اللي بينشر الطائفية وبيحرض الناس علي النزول والتصدي للثوار في إعلامه المنافق والأجير .واللي بيبهدل بنات البلد وشبابها ويسجنهم علشان رأيهم وسايب البلطجية علي راحتهم مع أنه قادر يلمهم هو المسؤول عن خراب البلد لا قدر الله...
الثوار بقوا الفئة المستضعفة والحيطة المايلة في البلد ... وبعد ما كان صوتهم عالي ابتدي التشويش صوته يعلي علي صوتهم علي أمل يكتموا صوتهم خالص...
بدل ما نحاسب الثوار لازم نحاسب المسؤولين عن شد البلد للخلف بكل قوة وتصميم ...
ولو مش هتحاسبوهم يبقي سيبونا احنا نقف ليهم ونحاسبهم "احنا عاوزين كده" ...
مع عدم اغفال حق الحمار في أنه يتربط في أي مكان يختاره ...
عقبالنا لما ناخد حقنا زي الحمار والفول السوداني..MK
ليست هناك تعليقات:
إرسال تعليق