لازم نشارك في كتابة تاريخ مصر سنة 2012 ...
لن ادعي العلم بالغيب " لا سمح الله " أو هشتغل منجم ,,, ولكن في حاجات كتير هتحصل السنة الجاية لو لينا عمر . ولازم نكون مشاركين فيها علي قدر استطاعتنا ..
لأن الحرية والمشاركة بالرأي مش رفاهية وتضييع وقت علي الفاضي . ده حقنا وحق البلد علينا مش تضحية أو تكرم مننا .. لأ ,,,ده الطبيعي في أي مواطن عاوز يعيش محترم .
لأن السياسة مش أوبشن .. السياسة فرض علي كل عاقل !!! السياسة تعني رغيف العيش وأنبوبة البوتاجاز و الوظيفة والسكن والعلاج .......... إلي آخر قائمة احتياجاتنا .
كل حاجة ناجحة في حياتنا لازم يكون ليها سياسة ماشية عليها . وطبعا , لازم تطور نفسها وتجدد تفكيرها وقيادتها ولكن داخل اطار من الحفاظ علي مصلحة البلد وشعبها اللي مراقب وعارف وموافق علي السياسات دي عن طريق نوابه البرلمانيين " اللي بجد مش بتوع اللب ولعب الجيمز علي الموبايلز والنوم في بعض الأحيان " !!!.
الخطوات اللي جاية عاوزة صبر وحكمه وطول بال " مش من النوع السلبي الانهزامي " بالعكس , من النوع الايجابي اللي بيعلمنا من اخطائنا السابقة علشان متتكررش تاني ويوضح لنا أسباب تأخر الوصول للهدف الذي لن يختلف عليه أي مصري ان شاء الله...
لازم نخرج من الاطار الضيق ونوجه نظرنا لأبعد من اليومين دول .. علي الأقل يبقي في أي حد بيفكر أبعد من يومه... احنا غرقانيين في مشاكل وهمية مفتعلة لا علاقة لها بما قامت من أجله الثورة !!!!.. احنا نسينا الانتقال السلمي للسلطة " فاكرين الهتاف عند ماسبيرو يوم 28 ,, واحد اتنين الجيش المصري فين؟؟", وبناءا عليه :: نسينا الدستور , ونسينا الأمن , ونسينا نفكر في سيستم يمشي البلد , وفي ناس كتير نسيت ان في ثورة ... وناس تانية نسيت نفسها وعملوا ابطال ... وناس اتفرمت ومحدش فكر فيهم ..
للأسف الشديد , آثار الثورة لم تخرج للنور بعد ولم يتحقق منها ما يهدئ الأوضاع أو يخلق أي نوع من الثقة بين أطراف اللعبة " كله بيضحك علي كله .. هو ده المبدأ عندهم " .
ولما بيحاولوا يعملوها فينا ويضحكوا علينا بيفشلوا لأنهم مش محترفين! هما بيقعدوا ويلعبوا ويكذبوا علي ناس عاوزة تصدقهم لمجرد أنهم أصحاب السلطة وللأسف دي آفة متأصلة عندنا وخاصة عند فئة المنتفعين والمنافقين والمدعين وهما معروفين, وما أكثر الشرفاء؟؟...
علشان كده الكذب عندهم سهل وبيجد ألف مروج أكاذيب يدعي العمل بالاظلام ..عفوا بالاعلام لو اعتبرنا ان الخداع وتضليل الرأي العام بالكذب وتغطية الجرائم أصبح مهنة ..
" زي البلطجة ما أصبحت مهنة يزاولها نصف مليون شخص بينهم نساء وقصر وأطفال شوارع أحيانا " واللي عملوا الفئة دي كان عارف ان دورها مهم لمساعدته في الأوقات دي !!!!..
لو مش هنشارك وندافع عن بلدنا وحقوقنا وكرامتنا وحريتنا بدون انتظار أن يمن أحد بهم. ((( الحرية تنتزع ولا تعطي ))) .
فلا لوم علي أحد غير شباب هذه الأمة الذين أكدوا انهم لا ينقصهم بعد عقد النية والعزم والاخلاص للهدف سوي التفاااااااااااااااااااااااااا
لازم نعمل اللي علينا ونسيب الباقي علي ربنا وهو هيوفقنا ويكرمنا لو أدينا دورنا...
" ولله الأمر من قبل ومن بعد "..MK
لازم نشارك في كتابة تاريخ مصر سنة 2012 ...
لن ادعي العلم بالغيب " لا سمح الله " أو هشتغل منجم ,,, ولكن في حاجات كتير هتحصل السنة الجاية لو لينا عمر . ولازم نكون مشاركين فيها علي قدر استطاعتنا ..
لأن الحرية والمشاركة بالرأي مش رفاهية وتضييع وقت علي الفاضي . ده حقنا وحق البلد علينا مش تضحية أو تكرم مننا .. لأ ,,,ده الطبيعي في أي مواطن عاوز يعيش محترم .
لأن السياسة مش أوبشن .. السياسة فرض علي كل عاقل !!! السياسة تعني رغيف العيش وأنبوبة البوتاجاز و الوظيفة والسكن والعلاج .......... إلي آخر قائمة احتياجاتنا .
كل حاجة ناجحة في حياتنا لازم يكون ليها سياسة ماشية عليها . وطبعا , لازم تطور نفسها وتجدد تفكيرها وقيادتها ولكن داخل اطار من الحفاظ علي مصلحة البلد وشعبها اللي مراقب وعارف وموافق علي السياسات دي عن طريق نوابه البرلمانيين " اللي بجد مش بتوع اللب ولعب الجيمز علي الموبايلز والنوم في بعض الأحيان " !!!.
الخطوات اللي جاية عاوزة صبر وحكمه وطول بال " مش من النوع السلبي الانهزامي " بالعكس , من النوع الايجابي اللي بيعلمنا من اخطائنا السابقة علشان متتكررش تاني ويوضح لنا أسباب تأخر الوصول للهدف الذي لن يختلف عليه أي مصري ان شاء الله...
لازم نخرج من الاطار الضيق ونوجه نظرنا لأبعد من اليومين دول .. علي الأقل يبقي في أي حد بيفكر أبعد من يومه... احنا غرقانيين في مشاكل وهمية مفتعلة لا علاقة لها بما قامت من أجله الثورة !!!!.. احنا نسينا الانتقال السلمي للسلطة " فاكرين الهتاف عند ماسبيرو يوم 28 ,, واحد اتنين الجيش المصري فين؟؟", وبناءا عليه :: نسينا الدستور , ونسينا الأمن , ونسينا نفكر في سيستم يمشي البلد , وفي ناس كتير نسيت ان في ثورة ... وناس تانية نسيت نفسها وعملوا ابطال ... وناس اتفرمت ومحدش فكر فيهم ..
للأسف الشديد , آثار الثورة لم تخرج للنور بعد ولم يتحقق منها ما يهدئ الأوضاع أو يخلق أي نوع من الثقة بين أطراف اللعبة " كله بيضحك علي كله .. هو ده المبدأ عندهم " .
ولما بيحاولوا يعملوها فينا ويضحكوا علينا بيفشلوا لأنهم مش محترفين! هما بيقعدوا ويلعبوا ويكذبوا علي ناس عاوزة تصدقهم لمجرد أنهم أصحاب السلطة وللأسف دي آفة متأصلة عندنا وخاصة عند فئة المنتفعين والمنافقين والمدعين وهما معروفين, وما أكثر الشرفاء؟؟...
علشان كده الكذب عندهم سهل وبيجد ألف مروج أكاذيب يدعي العمل بالاظلام ..عفوا بالاعلام لو اعتبرنا ان الخداع وتضليل الرأي العام بالكذب وتغطية الجرائم أصبح مهنة ..
" زي البلطجة ما أصبحت مهنة يزاولها نصف مليون شخص بينهم نساء وقصر وأطفال شوارع أحيانا " واللي عملوا الفئة دي كان عارف ان دورها مهم لمساعدته في الأوقات دي !!!!..
لو مش هنشارك وندافع عن بلدنا وحقوقنا وكرامتنا وحريتنا بدون انتظار أن يمن أحد بهم. ((( الحرية تنتزع ولا تعطي ))) .
فلا لوم علي أحد غير شباب هذه الأمة الذين أكدوا انهم لا ينقصهم بعد عقد النية والعزم والاخلاص للهدف سوي التفاااااااااااااااااااااااااا
لازم نعمل اللي علينا ونسيب الباقي علي ربنا وهو هيوفقنا ويكرمنا لو أدينا دورنا...
" ولله الأمر من قبل ومن بعد "..MK
ليست هناك تعليقات:
إرسال تعليق